3. Casglwr Cynnwys Amlgyfrwng

Dyma gyfle i bobl sydd â diddordeb mewn cynnwys amlgyfrwng o bob math, boed yn lluniau llonydd, cynnwys ffilm neu ddeunydd sain.

Rydym yn awyddus i glywed gan bobl sydd â diddordeb mewn defnyddio offer digidol i gasglu cynnwys amlgyfrwng ar faes yr Eisteddfod er mwyn eu defnyddio ar wasanaeth Golwg360.com. Gall hyn gynnwys lluniau difyr o weithgarwch y maes, saethu clipiau ffilm addas i’w defnyddio neu recordio cyfweliadau neu glipiau sain eraill.

Does dim rhaid bod â phrofiad o ddefnyddio camera neu offer recordio, ond mae profiad o fantais. Yr hyn sy’n bwysicach ydy bod gennych ddiddordeb yn y maes ac awydd i ddysgu - bydd modd i ni ddarparu peth hyfforddiant cyn yr Eisteddfod.